6يناير

خلينا كده علي طول ماشيين

السلام عليكم

بكلمكم النهاردة من سيرفري الخاص

لاني قررت تقريبا يعني 🙂 اني اسيب سيرفرات  وردبريس وانتقل هنا

وبقول تقريبا لاني هنتقل كتجربه  لمدة شهرين!

لو ارتحت هنا يبقي تمام .. لو لاا يبقي ورد بريس موجودة ahgh.wordpress.com

ندخل في الموضوع

أكمل القراءة »

22نوفمبر

زماااان

إذيكم يا مدونييين ويا قارئين

زماااان الي هيا عنوان المدونة فيها “أأأ” يعني مش “أ” واحدة بس ؟! أصل انا من زمااان اوي مكتبتش في المدونة دي

بيجيبني هنا حاجتين

ان ده مكاني الآمن الي عمره ما بيروح “ربنا يخليلنا وورد بريس” وكمان لما ببقي فاضي باجي هنا

انا كنت دايما بستغرب لما اسمع قصة تاريخية واقول هوا الناس عرفتها منين ؟!

ولا يعني صاحبها كان بيعد كل يوم يكتبها عشان متطيرش

ولا الناس كانت عارفه ان الراجل ده هيبقي عظيم فكانو عاملين حسابهم

علي كل حال انا عملت الي عليا واديني بكتب اهوه

عشان محدش يقول ده مات من غير أثر !!!!

مفيش موضوع معين احب اتكلم عنه, كل ما في الأمر اني اخدت اتجاه جديد في الدراسة , طبعا محدش مستغرب لان ده مش جديد علي “أحمد همام غنام” ايييييييييييييه !! أحمَد مين

انا ياعم

“قسم الدراسات اليونانية واللاتينية”

ده المجال الجديد بتاعي في كلية الآداب, وباين من اسمه انه جميل ولذيذ وعظيم وصعب وسهل وتاريخي وحديث وقديم وكل حاجة ف كل حاجة.

وفي الآخر قولو يارب أرجع هنا تاني بسرعة

او مرجعش 😀

14أغسطس

مفيش مفيش مفيش

السلام عليكم ورحمة الله وبركاته

مفيش في حياتي حاجة اسمها اكيد او مستحيل او طبعا او بيقولو او لازم

تيجي تكلم واحد صاحبك يقولك اصلهم بيقولو …

طب وانا مالي ما يقولو زي ما يقولو وانا كمان اقول

كلنا لازم نقول

آجي مثلا اقول لصديقي انت رحت الجامعة النهاردة

يقولي طبعا

وتلاقي النهاردة الجمعة اساسا

يا ناس

احنا ف الدنيا

مفيش حاجة بتستقر او تثبت

مفيش مفيش مفيش

21مارس

لستُ أدْري

حقا لست أدري لست أدري ما الذي دفعني لإنشاء مدونتي أو بالأخص تجديدها ؟!
لست أدري ما الذي دفعني لتسميتها بعنوان ” لست أدري ” وما هو الذي لا أدرية ولماذا لا أدري حقا لست أدري
ربما لميولي لقصيدة “الطلاسم” لشاعر الطلاسم “إيليا أبو ماضي” او ربما لاني بالفعل لست ادري
كما أنني لست ادري أيضا ماهية كتاباتي المستقبلية ومواضيعها لست ادري
ربما تكون مواضيع تحركني من داخلي أجد رغبة بأن أنشرها للجميع
تدرون بسطري قبل هذا السطر أكون قد بدأت ادري ؟!
لذا فسأكتفي بهذا أحيانا تكون ال ” لست أدري ” نعمة يجب المحافظة عليها
وهل ياترى سيقرأ احد هذا الكلام لست أدري و سنعووووود

20مارس

في الفرح

مش عارف هكتب ايه

مجرد افكار

احساس غريب

شفت ناس عادية بترقص وتتمايل في فرح

فكرت في ناسي  وجيراني

ناس الحرمان ماليهم ومحطمهم

لقيت فيهم اصحابي الي مش قادرين يتزوجو

وبيرقصو بنشوة وهمية في محاولة للفرح

تري ..

هل يفكرون في يوم مثل ذلك لهم

ام قد ملئهم اليئس

لقد ادمعت عيناي

في الفرح

21يناير

أحداث فاتت وكان نفسي اكتب عنها

طبعا إسم التدوينة مش غريب عليكم

كلنا بيعدي علينا ف حياتنا حاجات بيبقي نفسنا نكتب عنها بس الوقت مش مساعدنا

وانا كمان زيكم كان نفسي اكتب عن حاجات كتير بس الوقت مساعدنيش

ولما قررت اكتب لقيت اني مش هقدر احس بحرارة الموقف وبالتالي مش هقدر اكتب زي ما كنت هكتب ساعتها

وعشان كده قررت اني اكتب المواقف  والأحداث دي بدون تفصيل

موعد ميلادي الأخير 18/12/2008

أحداث 6 ابريل

أحداث غزة الأخيرة

ده كل الي حاضر في ذاكرتي دلوقت

من الملاحظ ان الحاجت دي ملهاش علاقة ببعضها غير ان احمد همام غنام عاشها

ولو حسيت اني اقدر اكتب موضوع مفصل عن حاجه فيها اكيد هكتب

انتظروني …



26ديسمبر

مدونتي : سأطـــورك

بسم الله الرحمن الرحيم

منذ أمس وأنا أحاول الكتابة

لكن تأثير إنقطاع الكابلات عن مصر وبعض الدول المحيطة تأثيره سئ جدا علي أنا بالذا(تراني رجل مهم – والتدوينات نازلة عليا …)

المهم انا نمت الساعة الثانية صباحا واستيقظت في الخامسة والنصف وجدت الصفحة فتحت (خير والله) 🙂

وظاهرة انقطاع الكابلات هذه ليست أول مرة فقد حدثت قبل ذلك مرة وأخذت وقتا طويلا لكن هذه المرة تم تداركها سريعا وذلك ب (حسب مصادر سرية) 🙂

شراء كابلات إحتياطية من أمريكا .

لكن سرعتي قلت للنصف ولم اعلم السبب بعد.

أعرف انني قد أحادث نفسي لكن علي الأقل وجدت من أحادثة

مدونتي : سأطـــورك

©AhmedGhanam, Copyright 2008, All Rights Reserved