التصنيفات
Scratches

سعادة الفناء

كم تمنيت لو كنت ماشيا بشارع اسفلتي

تضيئه مصابيح صفراء

على جانبيه أشجار خضراء تغطي الشارع بأكمله

والهواء الطلق يحيطني من كل الجهات

والعصافير تغرد

وأنا فقط موجود.. بكامل أناقتي

ومن ثم أبدأ بالتلاشي

انسى كل ذكرياتي وهي تنساب خلال عقلي

تنهار أطرافي وكأنما أنا كائن رملي

أحس بسعادة الفناء وأنا مستمر بالغناء

التصنيفات
Scratches

بعد المحاضرة

بعد المحاضرة..
لمحتها بين المدرجات..
مصدقتش نفسي
ايوة هيا,,

كنت حاسس انها هنا
كالعادة بدأت أفكر في كلامي اللي عايز اقولهولها منذ زمن,
أخدتني ذكرياتي لكام سنة فاتو..
لما كنت بنسي الكلام أول ما بشوفها,
برغم حتي كل الي شفتهم,
برغم كل الي عرفتهم بعدها
برغم كل الي نسيتهم قبلها..

سرحت بخيالي في كل حاجة كنت بحبهعا فيها,,
كل حاجة صحيت فيا تاني,,
فجأة شفت ضحكتهافي خيالي وبصة عينيها

وافتكرت كل البنات اللي دورت كتير فيهم علي حاجة فيها,
سرحت في غرابتها.. قسوتها..تعبي لمجرد إحساسي انها تعبانة.. وحبي لعذابها ليا لمجرد انه منها.

وبرغم ده كنت عارف اني مقدرش اضايقها..
برغم اهانتها ليا..

فكرت في أيام ما سابتني
قبلها بيومين وعدتني
بس انا مسبتهاش تكمل وعدها
قاطعتها
قلتلها اني بثق فيها
ان أنا بحبها

من يومها حاسس انها غلطتي
لما بفضل أوهم نفسي انها كانت هتفرق لو ,,,
لو كنت سبتها تقول اللي في قلبها..

ما بين ذهولي وذكرياتي
ولمجرد رمشة رمشتها
ما بين لحظة غمضت فيها

تاهت في الزحام
لفيت شمال ويمين
طلعت فوق , نزلت تحت
شفت بنات كتير مهياش فيهم
ولقيت في عيونهم كلام

أحلام , أشجان , أوهام

من يومها وانا كل مرة بلمح طيفها من بعيد
أجري عليها واتمني الاقيها أقوللها

اني لسه بحبها

التصنيفات
Scratches

احنا ناسيين كل حاجة

بسم الله
احنا ناسيين كل حاجة
ناسين دينا
وبلدنا
وحياتنا
تقدر تقولي…

التصنيفات
Scratches

لا تصالح

لا تصالح!
… ولو منحوك الذهب
أترى حين افقأ عينيك,
ثم اثبت جوهرتين مكانهما .
هل ترى ؟
هي اشياء لا تشترى

التصنيفات
Scratches

لو كان لنا ان نختار مدي ذكاؤنا .. لكنا من الغباء بحيث نختار ان نكون اذكي الأذكياء .. ولكان من غباؤنا ايضا ان نظن انه يمكننا التعامل مع ذلك

التصنيفات
Scratches

Ring My Bells

(Piano Intro)
Ring my bell, ring my bells..
Ring my bell, ring my bells..
Ring my bell, ring my bells..
Ring my bell, ring my bells..

Sometimes you love her
Sometimes you don’t
Sometimes you need it then you don’t and you let go..

التصنيفات
Scratches

خلينا كده علي طول ماشيين

السلام عليكم

بكلمكم النهاردة من سيرفري الخاص

لاني قررت تقريبا يعني 🙂 اني اسيب سيرفرات  وردبريس وانتقل هنا

وبقول تقريبا لاني هنتقل كتجربه  لمدة شهرين!

لو ارتحت هنا يبقي تمام .. لو لاا يبقي ورد بريس موجودة ahgh.wordpress.com

ندخل في الموضوع

انا عايز اكلمكم عن احساس..

احساس لما الدنيا تبقي برد فترة طويلة وفجأه تطلع الشمس تنور الدنيا وتحرق بشرتناا

وبرغم انها بتحرق .. إلا اننا مستحملينها وحابينها ووااقفين فيها باختيارنا.. ياتري ليه؟

ولما الدنيا بتشتي ويمتزج المطر بالتراب اصلنا.. بيبقي ليه رائحة غريبة

بسميها رائحة الشتاء..وبحبها .. ياتري ليه ؟؟

ولما احس بجو الربيع وامشي في الشوارع ابص لوجوه الناس.. ادور علي حد بحبه عشان اخليه سعيد زيي..

بس المرة دي من غير دوافع او اسباب .. ياتري ليه ؟

طيب عمركم شفتم حد بيبص للشمس ويقولها كل يوم في الشتاء

Hey Sun !!



لما فجأه اافرح وفجأه اازعل

طب لما  اضايق اعمل ايه عشان افرح اذا كان الي بعمله عشان افرح هو الي مزعلني….

تفتكرو انا بس الي كده ؟

تفتكروا انا غريب

ولا انا مجرد

واحد من الناس ؟

التصنيفات
Scratches

زماااان

إذيكم يا مدونييين ويا قارئين

زماااان الي هيا عنوان المدونة فيها “أأأ” يعني مش “أ” واحدة بس ؟! أصل انا من زمااان اوي مكتبتش في المدونة دي

بيجيبني هنا حاجتين

ان ده مكاني الآمن الي عمره ما بيروح “ربنا يخليلنا وورد بريس” وكمان لما ببقي فاضي باجي هنا

انا كنت دايما بستغرب لما اسمع قصة تاريخية واقول هوا الناس عرفتها منين ؟!

ولا يعني صاحبها كان بيعد كل يوم يكتبها عشان متطيرش

ولا الناس كانت عارفه ان الراجل ده هيبقي عظيم فكانو عاملين حسابهم

علي كل حال انا عملت الي عليا واديني بكتب اهوه

عشان محدش يقول ده مات من غير أثر !!!!

مفيش موضوع معين احب اتكلم عنه, كل ما في الأمر اني اخدت اتجاه جديد في الدراسة , طبعا محدش مستغرب لان ده مش جديد علي “أحمد همام غنام” ايييييييييييييه !! أحمَد مين

انا ياعم

“قسم الدراسات اليونانية واللاتينية”

ده المجال الجديد بتاعي في كلية الآداب, وباين من اسمه انه جميل ولذيذ وعظيم وصعب وسهل وتاريخي وحديث وقديم وكل حاجة ف كل حاجة.

وفي الآخر قولو يارب أرجع هنا تاني بسرعة

او مرجعش 😀

التصنيفات
Scratches

في الفرح

مش عارف هكتب ايه

مجرد افكار

احساس غريب

شفت ناس عادية بترقص وتتمايل في فرح

فكرت في ناسي  وجيراني

ناس الحرمان ماليهم ومحطمهم

لقيت فيهم اصحابي الي مش قادرين يتزوجو

وبيرقصو بنشوة وهمية في محاولة للفرح

تري ..

هل يفكرون في يوم مثل ذلك لهم

ام قد ملئهم اليئس

لقد ادمعت عيناي

في الفرح

التصنيفات
Scratches

أحداث فاتت وكان نفسي اكتب عنها

طبعا إسم التدوينة مش غريب عليكم

كلنا بيعدي علينا ف حياتنا حاجات بيبقي نفسنا نكتب عنها بس الوقت مش مساعدنا

وانا كمان زيكم كان نفسي اكتب عن حاجات كتير بس الوقت مساعدنيش

ولما قررت اكتب لقيت اني مش هقدر احس بحرارة الموقف وبالتالي مش هقدر اكتب زي ما كنت هكتب ساعتها

وعشان كده قررت اني اكتب المواقف  والأحداث دي بدون تفصيل

موعد ميلادي الأخير 18/12/2008

أحداث 6 ابريل

أحداث غزة الأخيرة

ده كل الي حاضر في ذاكرتي دلوقت

من الملاحظ ان الحاجت دي ملهاش علاقة ببعضها غير ان احمد همام غنام عاشها

ولو حسيت اني اقدر اكتب موضوع مفصل عن حاجه فيها اكيد هكتب

انتظروني …