أرشيف شهر: أبريل 2013

1أبريل

أنا افتريت

راجع من الشغل متأخر كالعادة، ولسه قابض بقى، ومعايا فلوووس، وجعااان، أعدي عالمطعم دا أجيب أكل، وأعدي عالماركت دا أجيييب أكل، أخيراً نفسي اتفتحت تاااني بقى، وهاااكل هاااااكل أخيراً، وأرجع البيت أعمل تاني أكل، وأعمل شاي بقى، وقدامي الصينية أشكال وأشكال، ونفسي مفتوووحة، وأبدأ بنهم B-)، والأول في التاني في التالت وأنا ما بين مكذب ومصدق، وفجأة عند ال ساندوتش الرابع ألاقي الأمور تبدأ تقف، أبلع بالشاي مفيش فايدة، بالمخللات، مفيش فايدة!! أعمل الرابع وأدوووس وأنجح أني أكمله بعد عناء طووويل، بس للأسف، لحد كدا واستوووب، مقدرتش أكمل، ولسه الساندوتشات كتييير :-(، نفسي اتسدت ومكلتش إلا الأربع ساندوتشات دول، بصيت للأكل بانهزام وشيلته من قدامي، واتأكدت إن نفسي هتفضل مسدودة كده على طول، أنا لازم أروح لدكتور، آاااه يا بطني أنا افتريت

©AhmedGhanam, Copyright 2008, All Rights Reserved